മധ്യപ്രദേശിലെ ഭോപ്പാലിൽ വിവാഹച്ചടങ്ങിനിടെ തേനീച്ചക്കൂട്ടത്തിന്റെ ആക്രമണം. നിരവധി പേര്‍ക്ക് പരിക്കേറ്റു. ഭോപ്പാൽ ഗുണ ജില്ലയിലെ ഒരു സ്വകാര്യ ഹോട്ടലി വെച്ച നടന്ന വിവാഹച്ചടങ്ങിനിടെയാണ് തേനീച്ചക്കൂട്ടം അതിഥികളെ ആക്രമിച്ചത്. ഹോട്ടൽ ഗാർഡനിൽ വിവാഹച്ചടങ്ങ് പുരോഗമിക്കുന്നതിനിടെയാണ് തേനീച്ചകൾ കൂട്ടത്തോടെ എത്തിയത്. ഇതേ ഹോട്ടലിന്റെ മേൽക്കൂരയിൽ തേനീച്ചക്കൂടുണ്ടായിരുന്നു
തേനീച്ചകൾ കൂട്ടമായി എത്തിയതോടെ അതിഥികൾ പരിഭ്രാന്തരാവുകയും ഓടുകയും ചെയ്തു. പന്ത്രണ്ടോളം പേർക്ക് പരിക്കേറ്റെന്നാണ് റിപ്പോർട്ടുകൾ. ഗുരുതരമായി പരിക്കേറ്റവരെ നിലവില്‍ തീവ്രപരിചരണ വിഭാഗത്തില്‍ ചികിത്സയിലാണ്. ഇത്തരം സംഭവങ്ങള്‍ ഒഴിവാക്കുന്നതിനാവശ്യമായ മുന്‍കരുതലുകള്‍ ഹോട്ടല്‍ മാനേജ്‌മെന്റ് സ്വീകരിച്ചിരുന്നോ എന്ന പരിശോധനയിലാണ്.
English Summary:Bee attack during wedding ceremony; 12 people injured
You may also like this video
