സംവിധായകൻ രഞ്ജിത്തിനെതിരെ ആരോപണവുമായി ബംഗാളി നടി ശ്രീലേഖ മിത്ര

ചലച്ചിത്ര അക്കാദമി ചെയർമാനും സംവിധായകനുമായ രഞ്ജിത്തിനെതിരെ ആരോപണവുമായി ബംഗാളി നടി ശ്രീലേഖ മിത്ര .
രഞ്ജിത്ത് മോശമായി പെരുമാറി എന്നാണ് നടി വെളിപ്പെടുത്തിയത്. പാലേരി മാണിക്യം സിനിമയിൽ അഭിനയിക്കാൻ മുറിയിൽ വിളിച്ചുവരുത്തിയ ശേഷം രഞ്ജിത് കയ്യിലും മുടിയിലും സ്പർശിച്ചമായി അവർ വെളിപ്പെടുത്തി . ഇതോടെ മുറിയിൽ നിന്നിറങ്ങി. തുടർന്ന് സിനിമയിൽ അഭിനയിക്കാതെ പിറ്റേന്നു തന്നെ മടങ്ങുകയായിരുന്നുവെന്നും അവർ പറഞ്ഞു . എന്നാൽ പാലേരി മാണിക്യത്തിൽ അഭിനയിക്കാനല്ല ഓഡിഷനുവേണ്ടിയാണ് ശ്രീലേഖയെ വിളിച്ചുവരുത്തിയതെന്നും അവരുടെ പ്രകടനം തൃപ്തികരമായി തോന്നിയില്ലെന്ന് സഹസംവിധായകൻ ശങ്കർ രാമകൃഷ്ണൻ അവരെ അറിയിച്ചതായും സംവിധായകൻ രഞ്ജിത്ത് പ്രതികരിച്ചു . രഞ്ജിത്ത് മികച്ച കലാകാരൻ ആണെന്നും ആരോപണത്തിന്റെ പേരിൽ കേസെടുക്കാനാവില്ലെന്നും സാംസ്‌കാരിക മന്ത്രി സജി ചെറിയാൻ പ്രതികരിച്ചു .