നാളെയും വരുന്ന ഞായറാഴ്ചയും സംസ്ഥാനത്തെ മദ്യവില്‍പ്പനശാലകള്‍ അടഞ്ഞുകിടക്കും. കോവിഡ് വ്യാപകമായ സാഹചര്യത്തില്‍ നിയന്ത്രണങ്ങള്‍ ഏര്‍പ്പെടുത്തിയ സാഹചര്യത്തിലാണിത്. സംസ്ഥാനത്തെ ബവ്റിജ്സ്, കൺസ്യൂമർഫെഡ് ഔട്‌ലെറ്റുകളും ബാറുകളും നാളെ പ്രവർത്തിക്കില്ല. അടുത്ത ഞായറാഴ്ചയും അവധിയായിരിക്കും. അതേസമയം കള്ളുഷാപ്പുകൾ പ്രവർത്തിക്കും.
ഞായറാഴ്ച ഏര്‍പ്പെടുത്തിയിരിക്കുന്ന ലോക്ഡൗണ്‍ സമാന നിയന്ത്രണങ്ങള്‍ ഇന്ന് അര്‍ധരാത്രിയോടെ നിലവില്‍ വരും. അത്യാവശ്യയാത്രകള്‍ അനുവദിക്കുമെങ്കിലും കൃത്യമായ രേഖകളും സത്യവാങ്മൂലവും കയ്യില്‍ കരുതണം. ഇല്ലെങ്കില്‍ കേസെടുക്കുമെന്ന് പൊലീസ് അറിയിച്ചു.
English Summary: Beverages, bars and Consumerfed outlets will not open tomorrow; Toll shops are not subject to regulation
You may like this video also
.