വസ്ത്രധാരണത്തിന്റെ പേരില്‍ നേരിടേണ്ടി വന്ന സൈബര്‍ ആക്രമണത്തില്‍ പ്രതികരിച്ച് നടി ഭാവന. എല്ലാം ശരിയാകുമെന്ന് കരുതി ജീവിക്കുമ്പോഴും ചിലര്‍ വീണ്ടും വേദനിപ്പിക്കുകയാണെന്നും എന്തുചെയ്താലും ചിലര്‍ ആക്ഷേപിക്കുകയും ചീത്ത വാക്കുകളുപയോഗിച്ച് വേദനിപ്പിക്കുകയും ചെയ്യുന്നുവെന്ന് ഭാവന പറയുന്നു. സമൂഹമാധ്യമത്തിലൂടെയായിരുന്നു നടിയുടെ പ്രതികരണം.
ഗോള്‍ഡന്‍ വിസ സ്വീകരിക്കാനെത്തിയ ചടങ്ങില്‍ ഭാവന ധരിച്ച വസ്ത്രമാണ് ചിലരെ ചൊടിപ്പിച്ചത്. ശരീര ഭാഗം കാണുന്ന തരത്തിലുള്ള വസ്ത്രമാണ് എന്ന് പറഞ്ഞായിരുന്നു അധിക്ഷേപം. എന്നാല്‍ താരം ധരിച്ച വസ്ത്രത്തിനോടൊപ്പം സ്‌കിന്‍ കളറിലുള്ള സ്ലിപ്പും ധരിച്ചിരുന്നു. ശരീരത്തോട് ചേര്‍ന്ന് കിടക്കുന്ന ഈ വസ്ത്രത്തിന്റെ പേരിലാണ് ഭാവനയ്ക്ക് നേരെ അധിക്ഷേപ കമന്റുകള്‍ വന്നത്.
English Summary: bhavana response to cyber attack
You may also like this video
