ബംഗാളിലെ ബിർഭും കൂട്ടക്കൊലയില് പരിക്കേറ്റ് ചികിത്സയിലായിരുന്ന ഒരാല് കൂടി മരിച്ചതോടെ മരണസംഖ്യ പത്തായി. അത്ഹാര ബീബി എന്ന യുവതിയാണ് മരിച്ചതെന്ന് അധികൃതര് അറിയിച്ചു.
കഴിഞ്ഞ വെള്ളിയാഴ്ച ആശുപത്രിയിൽ നിന്ന് അത്ഹാരയെ ഡിസ്ചാർജ് ചെയ്തെങ്കിലും രാത്രി ആരോഗ്യനില വഷളായതിനെത്തുടർന്ന് വീണ്ടും പ്രവേശിപ്പിക്കുകയായിരുന്നു. മാർച്ച് 21 ന് ബിർഭൂമിലെ ബോഗ്തുയി ഗ്രാമത്തില് ആളുകളെ വീടിനുഴള്ളില് പൂട്ടിയിട്ട് തീവെയ്ക്കുകയായിരുന്നു. നിരവധി പേർക്ക് പരിക്കേൽക്കുകയും ചെയ്തിരുന്നു. പ്രാദേശിക ടിഎംസി നേതാവ് ഭാദു ഷെയ്ഖ് കൊല്ലപ്പെട്ടതിന് പ്രതികാരമായാണ് സംഭവത്തെ പൊലീസ് വിലയിരുത്തിയത്. സംഭവവുമായി ബന്ധപ്പെട്ട അന്വേഷണം സിബിഐക്ക് കോടതി കൈമാറിയിരുന്നു. കേസിൽ അഞ്ച് പേരെ സിബിഐ അറസ്റ്റ് ചെയ്തിട്ടുണ്ട്.
English Summary: Bhirbhum massacre: Death toll rises to 10
You may like this video also