ഉന്തുവണ്ടിയിൽ പ്രവർത്തിക്കുന്ന തട്ടുകടയിലിടിച്ച് നിയന്ത്രണംവിട്ട് മറിഞ്ഞ് ബൈക്ക് യാത്രികന് ദാരുണാന്ത്യം. മണ്ണഞ്ചേരി പഞ്ചായത്ത് 14-ാം വാർഡ് കൊച്ചുതയ്യിൽ ബാബുരാജ് (59) ആണ് മരിച്ചത്. ഇന്നലെ രാത്രി 10.15ന് കൊമ്മാടി സിഗ്നലിന് സമീപമായിരുന്നു അപകടം.
ആറാട്ടുവഴിയിലെ പെട്രോൾ പമ്പിലെ ജോലികഴിഞ്ഞ് വീട്ടിലേക്ക് മടങ്ങുന്നതിനിടെ ബാബുരാജ് സഞ്ചരിച്ച ബൈക്ക് നിയന്ത്രണം വിട്ട് കച്ചവടം കഴിഞ്ഞ് റോഡ് മുറിച്ച് കടന്ന ഉന്ത് വണ്ടിയിൽ ഇടിക്കുകയായിരുന്നു. ഇടിയുടെ ആഘാതത്തിൽ തട്ടുകട ഉടമയും ബൈക്ക് യാത്രികനും റോഡിലേക്ക് തെറിച്ചു വീണു. ബാബുരാജിനെ ഉടൻ തന്നെ ആലപ്പുഴയിലെ സ്വകാര്യആശുപത്രിയിലും പിന്നീട് ആലപ്പുഴ മെഡിക്കൽ കോളജ് ആശുപത്രിയിലും പ്രവേശിപ്പിച്ചെങ്കിലുംഇന്ന്പുലർച്ച മരിച്ചു. അപകടത്തിൽ ഗുരുതരമായി പരുക്കേറ്റ തട്ടുകടയുടമ ആലപ്പുഴ മംഗലം സ്വദേശി അശോകനെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.