കേരളത്തില് സ്വര്ണവിലയില് വന് കുതിപ്പ്. ഒറ്റയടിക്ക് 2160 രൂപ വര്ധിച്ചതോടെ പവന് വില വീണ്ടും 66,480ല് എത്തി. ഗ്രാമിന് 270 രൂപയാണ് വര്ധിച്ചു. ഒരു ഗ്രാം സ്വര്ണത്തിന്റെ ഇന്നത്തെ വില 8560 രൂപയാണ്. ഓഹരി വിപണിയിലെ ചലനങ്ങളും രാജ്യാന്തര വിപണിയിലെ മാറ്റങ്ങളുമാണ് വിപണിയില് പ്രതിഫലിക്കുന്നത്.
സുരക്ഷിത നിക്ഷേപം തേടി ആളുകള് കൂടുതലായി സ്വര്ണത്തിലേക്ക് ഒഴുകിയെത്തിയതാണ് വില കൂടാന് കാരണം. ഇന്ത്യ ഉള്പ്പെടെയുള്ള രാജ്യങ്ങള്ക്ക് മേല് അമേരിക്ക പകരച്ചുങ്കം ഏര്പ്പെടുത്തിയതിന്റെ പശ്ചാത്തലത്തിലാണ് വിപണിയിലെ മാറ്റം. തുടര്ച്ചയായ അഞ്ച് ദിവസത്തെ വിലയിടിവിന് ശേഷം ഇത് രണ്ടാം ദിവസമാണ് സ്വര്ണവിലയില് വര്ധനവുണ്ടാകുന്നത്. 18നാണ് സ്വര്ണവില ആദ്യമായി 66,000 തൊട്ടത്. ജനുവരി 22നാണ് പവന് വില ചരിത്രത്തില് ആദ്യമായി അറുപതിനായിരം കടന്നത്.