സംസ്ഥാന പാതയില്‍ വണ്ടന്‍മേടിന് സമീപം ആമയാറില്‍ ഉണ്ടായ വാഹനാപകടത്തില്‍ ഒരാള്‍ക്ക് പരിക്കേറ്റു. മൂന്നാറില്‍ നിന്നും തേക്കടിയിലേക്ക് വിനോദസഞ്ചാരികളുമായി പോയ കാറില്‍ ബൈക്ക് ഇടിച്ചാണ് അപകടം ഉണ്ടായത്. പരിക്ക് ഗുരുതരമല്ല. ഇന്ന് ഉച്ചയ്ക്ക് 12 മണിയോടെയാണ് അപകടം നടന്നത്. മൂന്നാറില്‍ നിന്നും സഞ്ചാരികളുമായി വന്ന കാറില്‍ എതിരെ എത്തിയ ബൈക്ക് ഇടിക്കുകയായിരുന്നു.
ബൈക്കില്‍ സഞ്ചരിച്ചിരുന്ന തമിഴ്‌നാട് സ്വദേശിയെ പരിക്കുകളോടെ കട്ടപ്പനയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇയാളുടെ പരിക്കുകള്‍ ഗുരുതരമല്ല. ഇടിയുടെ ആഘാതത്തില്‍ റോഡിന് മറുവശത്തേക്ക് തെറിച്ചുപോയ ബൈക്കിന് കാര്യമായ കേടുപാടുകള്‍ സംഭവിച്ചിട്ടുണ്ട്. കാറിന്റെ മുന്‍ഭാഗവും ഭാഗികമായി തകര്‍ന്നു. സംഭവത്തില്‍ വണ്ടന്‍മേട് പൊലീസ് മേല്‍ നടപടികള്‍ സ്വീകരിച്ചു.
English Summary;Bike hits tourist’s car; One injured
You may also like this video
