എഡിജിപി എം ആര്‍ അജിത് കുമാറിന്റെ വിഷയത്തില്‍ ഒരു ഇടതുപക്ഷ സര്‍ക്കാര്‍ എന്താണോ ചെയ്യേണ്ടത്, ആ നടപടി സര്‍ക്കാരിന്റെ ഭാഗത്തുനിന്നുണ്ടാകുമെന്ന് സിപിഐക്ക് ഉറപ്പുണ്ടെന്ന് സംസ്ഥാന സെക്രട്ടറി ബിനോയ് വിശ്വം. ഏത് വിഷയത്തിലും ഇടതുപക്ഷ പരിഹാരമാണ് വേണ്ടതെന്നാണ് സിപിഐയുടെ നിലപാട്.
ഇടതുപക്ഷ പരിഹാരമെന്നാല്‍ ന്യായത്തിന്റെയും നീതിയുടെയും പക്ഷത്തുനിന്നുള്ള നടപടിയാണ്. എല്‍ഡിഎഫിന്റെ ഭാഗമാണ് സിപിഐ. എല്‍ഡിഎഫിന്റെ നയങ്ങളെയും നിലപാടുകളെയും ഉയര്‍ത്തിപ്പിടിക്കാന്‍ പാര്‍ട്ടിക്കറിയാമെന്നും ബിനോയ് വിശ്വം പറഞ്ഞു.