പ്രശസ്ത സംവിധായകനും ഛായഗ്രാഹകനുമായ സംഗീത് ശിവന്റെ നിര്യാണത്തില്‍ സിപിഐ സംസ്ഥാന സെക്രട്ടറി ബിനോയ് വിശ്വം അനുശോചിച്ചു. പിതാവ് ശിവനൊപ്പം ഡോക്യുമെന്ററികളിലും മറ്റും പ്രവര്‍ത്തിച്ച അനുഭവസമ്പത്തുമായി ചലച്ചിത്ര രംഗത്തെത്തിയ സംഗീത് ശിവന്‍ ജനപ്രിയ ചിത്രങ്ങളുടെ സംവിധാനം, ഛായാഗ്രഹണം എന്നിവയിലൂടെ സ്വന്തമായ ഒരിടം നിര്‍ണയിച്ച കലാകാരനായിരുന്നു. സിനിമയുടെ ആസ്വാദ്യതയെയും ജനപ്രിയതയെയും സമ്പുഷ്ടമാക്കുന്നതില്‍ ഛായാഗ്രഹണകലയ്ക്ക് ഒഴിച്ചുകൂടാനാവാത്ത സ്ഥാനമുണ്ടെന്ന് അദ്ദേഹം തെളിയിച്ചു. മലയാളത്തില്‍ സ്ഥാനമുറപ്പിച്ച്, അദ്ദേഹം ബോളിവുഡിലും സാന്നിധ്യം അടയാളപ്പെടുത്തിയെന്നും ബിനോയ് വിശ്വം അനുശോചന സന്ദേശത്തില്‍ പറഞ്ഞു.
English Summary:Binoy Viswam condoles the demise of director Sangeet Shivan
You may also like this video
