ബിരിയാണിച്ചെമ്പ് കനത്തമഴയില്‍ ഒഴുകിപ്പോകുന്നു; ഹൈദരാബാദി വീഡിയോ ചര്‍ച്ചയാകുന്നു

രാജ്യത്തിന്റെ പലഭാഗങ്ങളിലും അതിശക്തമായ മഴ തുടരുകയാണ്. മഴയുടേയും വെള്ളപ്പൊക്കത്തിന്റേയും മലവെള്ളപ്പാച്ചിലിന്റേയും ദൃശ്യങ്ങള്‍ സമൂഹമാധ്യമങ്ങലില്‍ നിറയുന്നതിനിടെ ഹൈദരാബാദില്‍ നിന്നുള്ള ബിരിയാണിച്ചെമ്പോഴുകിപ്പോകുന്ന വീഡിയോയാണ് ചര്‍ച്ചയാകുന്നത്. റോഡും തെരുവും നിറയെ വെള്ളം പൊങ്ങിയതിനാല്‍ ഹോട്ടലില്‍ നിന്ന് ബിരിയാണി പാത്രങ്ങള്‍ ഒലിച്ചുപോകുന്നതാണ് ദൃശ്യങ്ങളിലുള്ളത്. വലിയ പാത്രങ്ങള്‍ വെള്ളത്തിലൂടെ ഒഴുകി നീങ്ങുന്ന ചെറു വീഡിയോയാണ് ഇപ്പോള്‍ വ്യാപകമായി പങ്കുവയ്ക്കപ്പെടുന്നത്.

പെരുമഴയുടെ ഭീകരത ദൃശ്യങ്ങള്‍ കാണിച്ചുതരുന്നുണ്ടെങ്കിലും ബിരിയാണി ഒഴുകി നടക്കുന്നത് കാണുന്നതിന്റെ കൗതുകവും പലരും മറച്ചുവയ്ക്കുന്നില്ല. ആരോ ഹോട്ടലില്‍ തങ്ങള്‍ ഓര്‍ഡര്‍ ചെയ്ത ബിരിയാണി പ്രതീക്ഷിച്ച് മണിക്കൂറുകളായി കാത്തിരിക്കുന്നുണ്ടാകുമെന്നും തന്റെ ഓര്‍ഡര്‍ ഇതാ പുറത്തെത്തിയെന്ന് അവര്‍ അറിഞ്ഞുകാണില്ലെന്നും വീഡിയോ പങ്കുവച്ചുകൊണ്ട് ചിലര്‍ അഭിപ്രായപ്പെട്ടു. വീഡിയോ ഭീകരമാണെന്നാണ് ഹൈദരാബാദി ബിരിയാണി ഇഷ്ടപ്പെടുന്ന പലരുടേയും അഭിപ്രായം.

Eng­lish sum­ma­ry; Biryani pot washed away by heavy rain; Hyder­aba­di video is being discussed

You may also like this video;