കർണാടകയിൽ പൊതുമധ്യത്തിൽ വനിതാ അഭിഭാഷകയ്ക്ക് നേരെ ബിജെപി പ്രവർത്തകന്റെ ക്രൂരമർദ്ദനം. ബിജെപി പ്രവർത്തകൻ മഹന്തേഷാണ് ബാഗൽകോട്ടിലെ അഭിഭാഷകയായ സംഗീതയെ നടുറോഡിലിട്ട് ക്രുരമായി മർദ്ദിച്ചത്. നാട്ടുകാർ നോക്കിനിൽക്കെയാണ് ആക്രമണമുണ്ടായത്.
ഭർത്താവിനൊപ്പം പോകുകയായിരുന്ന സംഗീതയെ പ്രകോപനമില്ലാതെ ബാഗൽകോട്ട് ടൗണിൽ തടഞ്ഞു നിർത്തിയാണ് മർദ്ദിച്ചത്. അഭിഭാഷകയെ ക്രൂരമായി മർദ്ദിക്കുകയും അടിവയറ്റിൽ ചവിട്ടുകയും ചെയ്തു. ചവിട്ടേറ്റ് തെറിച്ച് വീണ് തലയ്ക്കും മുറിവേറ്റു. ഇവരെ മര്‍ദ്ദിക്കുന്നതിന്റെ ദൃശ്യങ്ങള്‍ സമൂഹ മാധ്യമങ്ങളില്‍ പ്രചരിക്കുന്നുണ്ട്.
ബിജെപി ജനറൽ സെക്രട്ടറി രാജു നായ്ക്കറുടെ അനുയായിയാണ് മഹന്തേഷെന്നും രാജു നായ്ക്കറുമായുള്ള വസ്തു തർക്കമാണ് അക്രമത്തിന് കാരണമെന്നും യുവതി പറഞ്ഞു. ഇവർ താമസിച്ചിരുന്ന കുടുംബവീട് ബിജെപി ജനറൽ സെക്രട്ടറി രാജു നായ്ക്കർക്ക് സംഗീതയുടെ അമ്മാവൻ ചെറിയ തുകയ്ക്ക് വിറ്റിരുന്നു.
സംഗീതയേയും മറ്റ് കുടുംബാംഗങ്ങളെയും അറിയിക്കാതെയാണ് അമ്മാവൻ വിൽപ്പന നടത്തിയത്. പിന്നാലെ സംഗീതയോടും കുടുംബക്കാരോടും വീട്ടിൽ നിന്ന് ഇറങ്ങിപോകണമെന്ന് രാജു നായ്ക്കർ ആവശ്യപ്പെട്ടിരുന്നു. ഇതിനെതിരെ സംഗീത കഴിഞ്ഞ ദിവസം കോടതിയെ സമീപിച്ചു. ഇതിന് പിന്നാലെയായിരുന്നു മർദ്ദനം. രാജു നായ്ക്കറുടെ അനുയായിയും സംഗീതയുടെ അയൽവാസിയുമാണ് മഹന്തേഷ്.
English summary;BJP activist brutally assaults a woman lawyer in public
You may also like this video;
