അശ്ലീല വീഡിയോ പുറത്തുവന്നതിന് പിന്നാലെ ബിജെപി എംപി ഉപേന്ദ്ര സിങ് റാവത്ത് സ്ഥാനാര്‍ത്ഥിത്വം പിന്‍വലിച്ചു. ഉത്തര്‍പ്രദേശിലെ ബാരാബങ്കി മണ്ഡലത്തിലെ സിറ്റിങ് എംപിയാണ് ഉപേന്ദ്ര സിങ്. വരുന്ന ലോക്‌സഭ തെരഞ്ഞെടുപ്പിലേക്ക് ബിജെപി പ്രഖ്യാപിച്ച ആദ്യ സ്ഥാനാര്‍ത്ഥി പട്ടികയില്‍ ഉപേന്ദ്ര സിങ്ങും ഉള്‍പ്പെട്ടിരുന്നു.
സ്ഥാനാര്‍ത്ഥി പ്രഖ്യാപനത്തിന് പിന്നാലെയാണ് ഉപേന്ദ്രസിങ്ങും ഒരു സ്ത്രീയും ഉള്‍പ്പെട്ട വീഡിയോ പുറത്തുവന്നത്. വീഡിയോ വ്യാജമാണെന്ന് എംപി പ്രതികരിച്ചു. ഉപേന്ദ്രസിങ്ങിന്റെ പരാതിയുടെ അടിസ്ഥാനത്തില്‍ എഫ്ഐആര്‍ രജിസ്റ്റര്‍ ചെയ്തു.
ഡീപ്‌ഫേക്ക് ടെക്നോളജി ഉപയോഗിച്ചുള്ള ഒരു വ്യാജ വീഡിയോ സമൂഹമാധ്യമങ്ങളില്‍ പ്രചരിക്കുന്നുണ്ടെന്നും സംഭവത്തില്‍ കേസെടുത്തിട്ടുണ്ടെന്നും ഉപേന്ദ്രസിങ് ട്വിറ്ററില്‍ കുറിച്ചു. ഈ മാസം രണ്ടിനാണ് ബിജെപി ലോക്സഭയിലേക്ക് മത്സരിക്കുന്ന 195 സ്ഥാനാര്‍ത്ഥികളുടെ പട്ടിക പുറത്തുവിട്ടത്. ഇതില്‍ 34 പേര്‍ നിലവില്‍ മന്ത്രിമാരാണ്.
English Summary: BJP MP withdraws candidature after obscene video comes out
You may also like this video
