മൂന്നു ദിവസം നീണ്ടുനിന്ന ഭാരതീയ ഖേദ് മസ്ദൂര്‍ യൂണിയന്‍ (ബികെഎംയു) സംസ്ഥാന സമ്മേളനം സമാപിച്ചു. ചിറ്റയം ഗോപകുമാര്‍ ആണ് പുതിയ സംസ്ഥാന പ്രസിഡന്റ്. സംസ്ഥാന ജനറല്‍ സെക്രട്ടറിയായി അഡ്വ. ഗോവിന്ദന്‍ പള്ളിക്കാപ്പിലിനെയും തെരഞ്ഞെടുത്തു.
തൊഴിലാളികളുടെ വിയര്‍പ്പിന്റെ വിലയും അധ്വാനത്തിന്റെ ഫലവും അറിയാത്തവരാണ് രാജ്യം ഭരിക്കുന്നതെന്നും ജാതി വ്യവസ്ഥയുടെ ക്രൂരമായ ഇരകൾ കർ ഷകത്തൊഴിലാളികളാണെന്നും കേരളം ഉള്‍പ്പെടെ പലയിടത്തും ഒളിഞ്ഞും തെളിഞ്ഞും ബിജെപിയും ആര്‍എസ്എസും ജാതീയ വിഷം നിറയ്ക്കുകയാണെന്നും സംസ്ഥാനത്ത് പട്ടികജാതി സംവരണം അട്ടിമറിക്കപ്പെട്ടുവെന്നും മൂന്നു ദിവസം നീണ്ടു നിന്ന സംസ്ഥാന സമ്മേളനം വിലയിരുത്തി.
സമാപന ദിവസമായ ഇന്നലെ മുതിര്‍ന്ന കര്‍ഷകത്തൊഴിലാളികളെ ആദരിക്കുന്ന ചടങ്ങ് കിസാന്‍സഭ സംസ്ഥാന ജനറല്‍ സെക്രട്ടറി വി ചാമുണ്ണി ഉദ്ഘാടനം ചെയ്തു.
English Summary: BKMU state conference concluded
You may also like this video
