ചേറ്റുവ കടപ്പുറം മുനക്കകടവ് അഴിമുഖത്ത് ഫൈബര്‍ വള്ളം മറിഞ്ഞ് കാണാതായ മത്സ്യത്തൊഴിലാളികളുടെ മൃതദേഹം കണ്ടെത്തി. പുല്ലുവിള സ്വദേശികളായ മണിയൻ, ഗിൽബർട്ട് എന്നിവരാണ് മരിച്ചത്. രണ്ട് നോട്ടിക്കൽ മൈൽ അകലെയാണ് മൃതദേഹം കണ്ടെത്തിയത്. കോസ്റ്റ് ഗാർഡ് ഹെലികോപ്റ്ററിൽ നടത്തിയ തിരച്ചിലിലാണ് മൃതദേഹം കണ്ടെത്തിയത്. തിങ്കളാഴ്ച വൈകീട്ട് 6.30 ടെയാണ് തിരുവനന്തപുരം പുല്ലുവിള സ്വദേശിയുടെ ടിയ മോള്‍ ഫൈബര്‍ വള്ളം കരയില്‍ അടുക്കാറായപ്പോള്‍ എഞ്ചിന്‍ ഓഫായി കടലില്‍ മറിഞ്ഞത്. പുല്ലുവിള സ്വദേശികളായ സുനില്‍ , വര്‍ഗീസ് , സ്റ്റല്ലസ്, സന്തോഷ് , മണിയന്‍ എന്ന വര്‍ഗ്ഗീസ് , ഗില്‍ബര്‍ട്ട് എന്നിവരാണ് അപകടത്തില്‍പ്പെട്ടത്. ഇതില്‍ സുനില്‍, വര്‍ഗീസ്, സ്റ്റാലസ് എന്നിവര്‍ ആദ്യം നീന്തി രക്ഷപ്പെട്ടു. ബാക്കി മൂന്ന് പേര്‍ക്കായി തിരച്ചില്‍ നടത്തുന്നതിനിടയില്‍ രാത്രി ഒമ്പതുമണിയോടെ സന്തോഷിനെ കണ്ടെത്തിയിരുന്നു.
English Summary: Bodies of missing fishermen found in Thrissur
You may like this video also
