രാജസ്ഥാനില്‍ നാലംഗസംഘം വീട്ടില്‍ നിന്ന് തട്ടിക്കൊണ്ടുപോയ ദളിത് പെണ്‍കുട്ടിയുടെ മൃതദേഹം കിണറ്റില്‍ ഉപേക്ഷിച്ചനിലയില്‍. രാജസ്ഥാനിൽ ദിവസങ്ങള്‍ക്ക് മുന്‍പ് കാണാതായ 19‑കാരിയായ ദളിത് പെൺകുട്ടിയുടെ മൃതദേഹമാണ് വെടിയേറ്റനിലയില്‍ കിണറ്റില്‍ കണ്ടെത്തിയത്.
ബുധനാഴ്ചയാണ് 19 വയസ്സുള്ള ദളിത് പെണ്‍കുട്ടിയെ നാലംഗസംഘം വീട്ടില്‍നിന്ന് തട്ടിക്കൊണ്ടുപോയത്. പുലര്‍ച്ചെ മൂന്നുമണിയോടെ വീട്ടില്‍ അതിക്രമിച്ചു കയറിയ നാലുപേര്‍ വായില്‍ തുണി തിരുകിയ ശേഷം മകളെ തട്ടിക്കൊണ്ടുപോയെന്നാണ് പെണ്‍കുട്ടിയുടെ അമ്മയുടെ മൊഴി. സംഭവത്തില്‍ പരാതി നല്‍കിയിട്ടും പൊലീസ് കേസെടുക്കാന്‍ കൂട്ടാക്കിയില്ലെന്നായിരുന്നു പെൺകുട്ടിയുടെ അമ്മ പറഞ്ഞത്.കേസെടുക്കാതെ സ്‌റ്റേഷനില്‍ നിന്ന് പോകാനാണ് തന്നോട് ആവശ്യപ്പെട്ടതെന്നും അമ്മ വ്യക്തമാക്കിയിരുന്നു. ഇതേ തുടർന്ന് പൊലീസിനെതിരേയും സംസ്ഥാന സര്‍ക്കാരിനെതിരേയും പ്രതിഷേധം ശക്തമാകുകയായിരുന്നു.
english summary; Body of Dalit girl kidnapped by gang of four found in well
you may also like this video;
