അയോധ്യയിലെ രാമക്ഷേത്ര പ്രതിഷ്ഠാ ചടങ്ങ് കഴിഞ്ഞ് ദിവസങ്ങള്‍ക്കകം ഉത്തർപ്രദേശിലെ കാൺപൂരിലെ രാമ ജാനകി ക്ഷേത്രത്തിന് ബോംബ് ഭീഷണി. കാൺപൂരിലെ രാമ ജാനകി ക്ഷേത്രത്തിൻ്റെ ട്രസ്റ്റി കൂടിയായ ബിജെപി നേതാവ് രോഹിത് സാഹുവിനും ഭീഷണി കത്ത് ലഭിച്ചതായും സംഭവത്തില്‍ കേസെടുത്ത് അന്വേഷണം ആരംഭിച്ചതായും പൊലീസ് പറഞ്ഞു. കത്തില്‍ ആക്ഷേപകരമായ കാര്യങ്ങളുണ്ടെന്നും കുറ്റക്കാര്‍ക്കെതിരെ നടപടിയെടുക്കമെന്നും പൊലീസ് വ്യക്തമാക്കി.
ബോംബ് ഭീഷണിയുയര്‍ത്തിയ പോസ്റ്ററുകൾ ചുവരുകളിലും ക്ഷേത്രത്തിന്റെ തറയിലമുണ്ടായിരുന്നതായും പൊലീസ് കൂട്ടിച്ചേര്‍ത്തു. സംഭവത്തിനുപിന്നാലെ സുരക്ഷയുടെ ഭാഗമായി പൊലീസ് ക്ഷേത്രകവാടം അടക്കുകയും പ്രദേശത്ത് ബാരിക്കേഡുകള്‍ സ്ഥാപിക്കുകയും ചെയ്തിട്ടുണ്ട്.
English Summary: Bomb threat posters at Ram temple in UP
You may also like this video
