സംസ്ഥാനത്ത് റേഷന്‍കടകള്‍ വഴി പത്ത് രൂപയ്ക്ക് കുപ്പിവെള്ളം നല്‍കാന്‍ നടപടി. സംസ്ഥാന ജലവിഭവ വകുപ്പിനു കീഴിലുള്ള പൊതുമേഖലാ സ്ഥാപനമായ കേരള ഇറിഗേഷന്‍ ഇന്‍ഫ്രാസ്ട്രക്ചര്‍ ഡെവലപ്പ്മെന്റ് കോര്‍പറേഷന്‍ ലിമിറ്റഡിനു (കെഐഐഡിസി) കീഴില്‍ ഉല്പാദിപ്പിക്കുന്ന കുപ്പിവെള്ളമായ ‘ഹില്ലി അക്വാ‘യാണ് റേഷന്‍ കടകള്‍ വഴി വിപണനം നടത്തുക. ഭക്ഷ്യമന്ത്രി ജി ആര്‍ അനിലിന്റെ അധ്യക്ഷതയില്‍ ചേര്‍ന്ന യോഗത്തിലാണ് തീരുമാനം. ഇതുസംബന്ധിച്ച് ധാരണാപത്രം ഒപ്പുവയ്ക്കുന്നതുള്‍പ്പെടെയുള്ള തുടര്‍നടപടികള്‍ പൊതുവിതരണ ഉപഭോക്തൃകാര്യ കമ്മിഷണര്‍ തലത്തില്‍ സ്വീകരിക്കാന്‍ സര്‍ക്കാര്‍ നിര്‍ദേശം നല്‍കി.
English Summary:Bottled water for 10 rupees through ration shops
You may also like this video
