റഷ്യയില്‍ നിന്നുള്ള എണ്ണ ഇറക്കുമതിക്ക് വിലക്ക് ഏര്‍പ്പെടുത്തി ബ്രിട്ടനും. അമേരിക്ക വിലക്ക് ഏര്‍പ്പെടുത്തിയതിന് പിന്നാലെയാണ് നടപടി. റഷ്യയിലേക്ക് എണ്ണയ്ക്കായുള്ള ആശ്രിതത്വം കുറയ്ക്കാനുള്ള അമേരിക്കയുടെ നിലപാടിനെ ബ്രിട്ടണ്‍ സ്വാഗതം ചെയ്തു. നിലവിലെ സാഹചര്യത്തില്‍ വിശദമായ ചര്‍ച്ചകള്‍ക്കൊടുവില്‍ ബ്രിട്ടന്‍ ഉടന്‍ വിലക്ക് പ്രഖ്യാപിക്കുമെന്നാണ് റിപ്പോര്‍ട്ടുകള്‍. റഷ്യയ്ക്ക് പകരം ബദല്‍ വിതരണക്കാരെ കണ്ടെത്താനുള്ള നടപടിയുടെ ഭാഗമായി ബ്രിട്ടണ്‍ ടാസ്‌ക് ഫോഴ്സ് രൂപീകരിക്കാനും പദ്ധതിയിട്ടിട്ടുണ്ടെന്നാണ് റിപ്പോര്‍ട്ട്.
കഴിഞ്ഞ ദിവസമാണ് റഷ്യയില്‍ നിന്നുള്ള പ്രകൃതി വാതകത്തിന്റേയും എണ്ണയുടെയും ഇറക്കുമതി നിരോധിച്ചതായി അമേരിക്കന്‍ പ്രസിഡന്റ് ജോ ബൈഡന് അറിയിച്ചത്. എണ്ണയ്ക്ക് ഉപരോധം ഏര്‍പ്പെടുത്താന്‍ ബൈഡന് മേല്‍ സമര്‍ദ്ദമുണ്ടായിരുന്നതായി റിപ്പോര്‍ട്ടുകളുണ്ട്.
അഭിപ്രായ ഭിന്നതകകള്‍ക്കൊടുവിലാണ് എണ്ണ ഇറക്കുമതി നിരോധിക്കാന്‍ അമേരിക്ക തീരുമാനമെടുക്കുകയായിരുന്നു.
English Summary:Britain also bans oil from Russia
You may also like this video
