പടിഞ്ഞാറന്‍ ഡല്‍ഹിയിലെ രജൗരി ഗാര്‍ഡനിലെ ബര്‍ഗര്‍ കിങ് ഔട്ട്‌ലെറ്റില്‍ കഴിഞ്ഞദിവസം 26കാരന്‍ കൊല്ലപ്പെട്ട സംഭവത്തില്‍ സിസിടിവി ദൃശ്യങ്ങള്‍ പുറത്ത്. യുവാവിനെതിരെ ഉണ്ടായ ആക്രമണം കരുതികൂട്ടിയായിരുന്നുവെന്ന് വ്യക്തമാക്കുന്ന ദൃശ്യങ്ങളാണ് പുറത്തെത്തിയിരക്കുന്നത്. സ്ത്രീ സുഹൃത്തിനൊപ്പം ഔട്ട്‌ലെറ്റില്‍ ഇരിക്കുകയായിരുന്ന അമനെതിരെയാണ് അഞ്ജാതരായ അക്രമികള്‍ ആക്രമണം അഴിച്ചുവിട്ടത്.
യാതൊരുവിധ പ്രകോപനം കൂടാതെയാണ് യുവതിക്കൊപ്പം ഇരുന്ന അമനുനേരെ വെടിയുതിര്‍ത്തത്. രാത്രി 9.41 ഓടെയാണ് ആദ്യവെടിപ്പൊട്ടിയത്. അമന് പുറകിലിരുന്ന രണ്ടുപേര്‍ തോക്കുകള്‍ പുറത്തേയ്ക്കെടുത്ത് പുറകിലേയ്ക്ക് വെടിയുതിര്‍ത്തു. തുടര്‍ന്ന് പ്രാണരക്ഷാര്‍ത്ഥം അമന് ബില്ലിങ് കൗണ്‍റിലേയ്ക്ക് ഓടികയറികയായിരുന്നു.
അക്രമികളെ ഇവനെ പിന്തുടര്‍ന്ന് നിരവധി തവണ വെടിയുതിക്കുകയായിരുന്നു. അതിനിടയില്‍ അമനൊപ്പം ഉണ്ടായിരുന്ന സ്ത്രീ ഔട്ട്‌ലെറ്റില്‍ നിന്ന് പുറത്തുപോയി. ഏകദേശം 40 വെടിയുണ്ടകള്‍ അമനുനേരെ പ്രയോഗിച്ചതായി പോസ്റ്റുമോര്‍ട്ടം റിപ്പോര്‍ട്ടില്‍ നിന്ന് വ്യക്തമാകുന്നു. കൊലയാളികൾ വെടിയുതിർത്തപ്പോൾ ഓടി രക്ഷപ്പെടാൻ ശ്രമിച്ചതിന്റെ തെളിവാണ് ബില്ലിംഗ് കൗണ്ടറിന് പിന്നിൽ നിന്ന് അമന്റെ മൃതദേഹം കണ്ടെത്തിയത്. കൊലയാളികൾ 25–30 വയസ് പ്രായമുള്ളവരാണെന്ന് ബർഗർ കിങ് ജീവനക്കാർ പറഞ്ഞു.
English Summary:Burger King Outlet Violence; CCTV footage is out
You may also like this video
