തെലങ്കാനയില്‍ യുവാവിന്റെ മൃതദേഹം കത്തിക്കരിഞ്ഞ നിലയില്‍ കണ്ടെത്തി. നഗരത്തിലെ ശ്മശാനത്തിന് സമീപമാണ് സംശയാസ്പദമായ സാഹചര്യത്തിൽ മൃതദേഹം കണ്ടെത്തിയത്. സംഭവത്തിന് നരബലിയുമായി ബന്ധമുള്ളതായി സംശയിക്കുന്നതായി പൊലീസ് പറഞ്ഞു.
കൊല്ലപ്പെട്ടയാളെ ഇതുവരെ തിരിച്ചറിഞ്ഞിട്ടില്ല. ഇയാൾക്ക് 25നും 35നും ഇടയിൽ പ്രായമുണ്ടെന്ന് കരുതുന്നതായും പൊലീസ് വ്യക്തമാക്കി. സമീപത്ത് ക്ഷുദ്രപൂജ നടത്തിയതിന്റെ ലക്ഷണങ്ങള്‍ കണ്ടതായി പ്രദേശവാസികള്‍ പറയുന്നു. യുവാവിനെ കൊലപ്പെടുത്തിയ ശേഷം ദേഹത്ത് പെട്രോൾ ഒഴിച്ച് തീകൊളുത്തുകയായിരുന്നുവെന്നാണ് പ്രാഥമിക നിഗമനമെന്ന് പൊലീസ് പറഞ്ഞു. മൃതദേഹത്തിന് സമീപത്തുനിന്ന് മൊബൈൽ ഫോണും ബാഗും പൊലീസ് കണ്ടെടുത്തു. മൃതദേഹം പോസ്റ്റ്‌മോർട്ടത്തിനായി മാറ്റി. അന്വേഷണ സംഘം സ്ഥലത്തെത്തി തെളിവുകൾ ശേഖരിച്ചു. സംഭവത്തില്‍ കൂടുതല്‍ അന്വേഷണം പുരോഗമിക്കുകയാണെന്നും പൊലീസ് വ്യക്തമാക്കി.
English Summary: Burnt body of young man near graveyard; Suspected of human sacrifice
You may also like this video also
