തെലങ്കാന സ്റ്റേറ്റ് റോഡ് ട്രാൻസ്‌പോർട്ട് കോർപ്പറേഷന്റെ (ടിഎസ്ആർടിസി) ബസിന് തീപിടിച്ചു. ഞായറാഴ്ച ഡിപ്പോയിൽ പാർക്ക് ചെയ്തിരിക്കെയാണ് ബസിന് തീപിടിച്ചത്. ജഗ്തിയാൽ ജില്ലയിലെ കോരുട്‌ല ബസ് ഡിപ്പോ വളപ്പിൽ ഡീസൽ നിറച്ചതിനുശേഷം നിര്‍ത്തിയിട്ടിരിക്കുകയായിരുന്ന രാജധാനി ബസിനാണ് തീപിടിച്ചത്. സംഭവത്തില്‍ ആളപായമൊന്നും ഉണ്ടായില്ല.
കോരുത്‌ല‑ഹൈദരാബാദിന് ഇടയിൽ സർവീസ് നടത്തുന്ന ബസ് ഉച്ചയോടെ ഡിപ്പോയിൽ എത്തിയപ്പോഴാണ് ഡിപ്പോ ജീവനക്കാർ വാഹനത്തിൽ ഡീസൽ നിറച്ചത്. ഡിപ്പോ അധികൃതർ വിവരമറിയിച്ചതിനെ തുടർന്ന് അഗ്നിശമന സേനാംഗങ്ങൾ സ്ഥലത്തെത്തി തീയണച്ചു. അതേസമയം ബസ് പൂർണമായും കത്തി നശിച്ചു. സ്റ്റേഷനിലേക്ക് തീ പടരാതിരുന്നത് വന്‍ ദുരന്തം ഒഴിവാക്കി.
ബാറ്ററിയിലെ ഷോർട്ട് സർക്യൂട്ടാണ് തീപിടുത്തത്തിന് കാരണമെന്ന് സംശയിക്കുന്നതായി ടിഎസ്ആർടിസി അധികൃതർ പറഞ്ഞു.
English Summary: bus catches fire in Telengana
You may also like this video
