മധ്യപ്രദേശിലെ മൈഹാർ ജില്ലയിൽ ബസും ട്രക്കും കൂട്ടിയിടിച്ചുണ്ടായ അപകടത്തിൽ ആറ് പേർ മരിച്ചു, 20 ഓളം പേർക്ക് പരിക്കേറ്റു. രാത്രി 11 മണിയോടെ പ്രയാഗ്‌രാജിൽ നിന്ന് നാഗ്പൂരിലേക്ക് പോവുകയായിരുന്ന ബസ് റോഡരികിൽ നിർത്തിയിട്ടിരുന്ന കല്ല് നിറച്ച ഡമ്പർ ട്രക്കിൽ ഇടിക്കുകയായിരുന്നുവെന്ന് പൊലീസ് പറഞ്ഞു.
പരിക്കേറ്റവരിൽ ആറ് പേരുടെ നില ഗുരുതരമാണെന്നും കൂടുതൽ ചികിത്സയ്ക്കായി സത്‌നയിലേക്ക് റഫർ ചെയ്തതായും പോലീസ് സൂപ്രണ്ട്, മൈഹാർ, സുധീർ അഗർവാൾ പറഞ്ഞു. പരിക്കേറ്റ ബാക്കിയുള്ളവർ മൈഹാറിലെയും അമർപതനിലെയും ആശുപത്രികളിൽ ചികിത്സയിലാണെന്നും അദ്ദേഹം കൂട്ടിച്ചേർത്തു.
അപകടവിവരം ലഭിച്ചയുടൻ മുതിർന്ന ഉദ്യോഗസ്ഥർ സ്ഥലത്തെത്തി രക്ഷാപ്രവർത്തനം ആരംഭിച്ചതായി അഗർവാൾ പറഞ്ഞു.