നവകേരള ശിൽപ്പികളിൽ പ്രമുഖനായ മുൻമുഖ്യമന്ത്രി സി അച്ചുതമേനോന്റെ നൂറ്റിപ്പത്താമത് ജന്മവാർഷികത്തോട് അനുബന്ധിച്ച് യുവകലാസാഹിതി ഷാർജ ജനാധിപത്യസംവാദം സംഘടിപ്പിച്ചു.
“മുന്നണി രാഷ്ട്രീയത്തിന്റെ കേരളപാഠങ്ങളും ദേശീയ മതേതര ബദലും” എന്ന വിഷയത്തിൽ ജനുവരി 28 , രാത്രി 8 ന് ഇന്ത്യൻ അസോസിയേഷനിൽ വച്ച് നടന്ന ജനാധിപത്യസംവാദത്തിൽ ഇന്ത്യൻ അസോസിയേഷൽ പ്രസിഡണ്ട് അഡ്വ: വൈ എ റഹിം (ഐഎൻസിഎസ്), വാഹിദ് നാട്ടിക (എംഎഎസ്എസ്), മുജീബ് റഹ്മാൻ (കെഎംസിസി), സിറാജ് കുരാറ (ഐഎംസിസി) എന്നീ വിവിധ സംഘടനാ പ്രതിനിധികൾ സംവദിച്ചു. പ്രശാന്ത് ആലപ്പുഴ മോഡറേറ്റർ ആയ ചടങ്ങിന് അഭിലാഷ് ശ്രീകണ്ഠപുരം സ്വാഗതവും ജിബി ബേബി നന്ദിയും രേഖപ്പെടുത്തി.