പിറന്നാള്‍ ദിനത്തില്‍ ഓൺലൈൻ വഴി ഓർഡർ ചെയ്ത കേക്ക് കഴിച്ച് പത്തുവയസുകാരിക്ക് ദാരുണാന്ത്യം. പഞ്ചാബിലെ പട്യാലയിൽ കഴിഞ്ഞ ഞായറാഴ്ചയായിരുന്നു സഭവം. പട്യാലയിലെ ബേക്കറിയിൽ നിന്നാണ് കുടുംബം ഓൺലൈൻ വഴി കേക്ക് ഓർഡർ ചെയ്തത്. വൈകുന്നേരം ഏഴ് മണിയോടെ എല്ലാവരും കേക്ക് കഴിച്ചു. തുടർന്ന് രാത്രി പത്ത് മണിയോടെ കേക്ക് കഴിച്ച എല്ലാവർക്കും അസ്വസ്ഥത അനുഭവപ്പെടും ചെയ്‌തതായി പൊലീസ് പറയുന്നു.
കേക്ക് കഴിച്ച ജാൻവിയുടെ സഹോദരങ്ങളാണ് ആദ്യം ഛർദ്ദിച്ചത്. തുടർന്ന് ദാഹിക്കുന്നുവെന്നും വെള്ളം വേണമെന്നും ഇടയ്ക്കിടെ ജാൻവി പറഞ്ഞിരുന്നു. അൽപ്പസമയത്തിനകം ജാൻവി ഉറങ്ങുകയും ചെയ്തു. എന്നാൽ പിറ്റേദിവസം ആരോഗ്യം വഷളായതിനെത്തുടർന്ന് കുട്ടിയെ ആശുപത്രിയിൽ പ്രവേശിപ്പിച്ചത്. എന്നാൽ കുട്ടിയുടെ ജീവൻ രക്ഷിക്കാനായില്ല. പിറന്നാള്‍ ദിനത്തില്‍ മുറിച്ച ചോക്ലേറ്റ് കേക്കിൽ വിഷാംശം അടങ്ങിട്ടുണ്ടായിരുന്നുവെന്ന് കുടുംബം ആരോപിച്ചു.
English Summary:Cake ordered on birthday; Ten-year-old girl dies of food poisoning
You may also like this video
