സുഹൃത്തിനെ കാണാനെത്തിയ എയര്ഹോസ്റ്റസ് ഫ്ളാറ്റില് നിന്ന് വീണ് മരിച്ച നിലയില്. ബംഗളൂരുവിലെ കോറമംഗല മല്ലപ്പ റെഡ്ഡി ലേഔട്ടിലെ എട്ടാം ബ്ലോക്കിലെ അപ്പാര്ട്ട്മെന്റ് കെട്ടിടത്തിന്റെ നാലാം നിലയില് നിന്നാണ് 28കാരിയായ അര്ച്ചന വീണത്. ഹിമാചല് പ്രദേശ് സ്വദേശിനിയാണ് യുവതി. ദുബായില് നിന്നാണ് യുവാവിനെ കാണാനെത്തിയത്. കെട്ടിടത്തിന്റെ നാലാം നിലയിലെ ഇടനാഴിയില് നിന്ന് അര്ച്ചന അബദ്ധത്തില് താഴേക്ക് വീഴുകയായിരുന്നുവെന്ന് സുഹൃത്ത് ആദേശ് (26) പൊലീസിനോട് പറഞ്ഞു.
ആദേശിനെ കാണാനായി ഇവര് ദുബൈയില് നിന്നെത്തിയതാണെന്ന് പൊലീസ് പറഞ്ഞു. കാസര്ക്കോട് സ്വദേശിയാണ് ആദേശ്. അര്ച്ചന വീഴുന്ന സമയം താന് ഫ്ലാറ്റില് ഉണ്ടായിരുന്നെന്നും ഇടനാഴിയിലൂടെ പുറത്തേക്ക് നടക്കുമ്പോള് അബദ്ധത്തില് കാല് വഴുതി താഴേക്ക് വീഴുകയായിരുന്നുവെന്നുമാണ് ഇയാള് പൊലീസിനോട് പറഞ്ഞത്. അതേസമയം വിശദമായ ചോദ്യം ചെയ്യലിനായി ഇയാളെ കസ്റ്റഡിയിലെടുത്തു.
English Summary;Came to Bengaluru to meet the native of Kasaragod; Air hostess falls to her death from her flat
You may also like this video
