അഭിമുഖപരീക്ഷയ്ക്കു പോകുമ്പോള്‍ അടിവസ്ത്രത്തിൽ അഞ്ച് കിലോഗ്രാം വരെ ഭാരം വരുന്ന കല്ലുകള്‍ ഒളിപ്പിച്ച് പോകുന്ന ഉദ്യോഗാർത്ഥികളുടെ ഞെട്ടിക്കുന്ന ദ്യശ്യങ്ങള്‍ പുറത്ത്. ജോലി ലഭിക്കാൻ ഒരു വ്യക്തിക്ക് വേണ്ട കുറഞ്ഞ ഭാരം 55 കിലോഗ്രാം ആണ് എന്നതാണ് ഇത്തരമൊരു കടുംകൈ ചെയ്യാൻ ഉദ്യോഗാർത്ഥികളെ നിര്‍ബന്ധിതരാക്കിയത്. വിദ്യാര്‍ത്ഥികള്‍ ശരീരത്തില്‍ കല്ലുകള്‍ ഒളിപ്പിച്ച് കൊണ്ടുവന്നത് കണ്ടുപിടിച്ചതിന്റെ ദൃശ്യങ്ങള്‍ സമൂഹമാധ്യമങ്ങളില്‍ വൈറലായിരിക്കുകയാണ്.
കല്യാണ കർണാടക റോഡ് ട്രാൻസ്പോർട്ട് കേർപ്പറേഷനിൽ ജോലി തേടുന്ന ഉദ്യോഗാർത്ഥികളുടെ വീഡിയോ ആണ് വൈറലായിരിക്കുന്നത്. ചിലർ അടിവസ്ത്രത്തിനുള്ളിൽ കല്ലുകൾ ഒളിപ്പിച്ചും, ചിലർ തുടകളിൽ ഭാരമുള്ള വസ്തുക്കൾ കെട്ടിവച്ചുമാണ് എത്തിയത്. 5 മുതൽ പത്തു കിലോഗ്രാം വരെ ഭാരമാണ് ഇങ്ങനെ കള്ളത്തരത്തിലൂടെ വർധിപ്പിച്ചു കാണിക്കുന്നത്. ഇത്തരത്തില്‍തട്ടിപ്പ് കാണിച്ച എട്ട് പേരെയോളം പിടികൂടിയെന്നാണ് റിപ്പോർട്ടുകൾ. ഡ്രൈവർ, കണ്ടക്ടർ പോസ്റ്റുകളിലേക്കായിരുന്നു നിയമനം.
English Summary: candidates going to the interview with five kg stones in their underwear
You may also like this video
