കൂനൂർ ഹെലികോപ്റ്റർ അപകടത്തിൽ പെട്ട് ചികിത്സയിലിരുന്ന് അന്തരിച്ച ഗ്രൂപ്പ് ക്യാപ്റ്റൻ വരുൺ സിങ്ങിന്റെ സംസ്കാര ചടങ്ങുകൾ ഇന്ന്. രാവിലെ 11ന് ഭോപ്പാലില്‍ ഭദ്ഭഡ വിശ്രം ഘട്ടിലാകും സംസ്കാര ചടങ്ങുകൾ നടക്കുക. സൈനിക ബഹുമതികളോടെയാണ് സംസ്കാര ചടങ്ങുകളെന്ന് വ്യോമ സേന അറിയിച്ചു. ഇന്നലെ വൈകീട്ട് മൂന്ന് മണിയോടെ ഭൗതികശരീരം ഭോപ്പാലിൽ എത്തിച്ചിരുന്നു. എയർപോർട്ട് റോഡിലെ സൺ സിറ്റി കോളനിയിലെ വസതിയിൽ പൊതുദർശനത്തിനത്തിന് വച്ചിരുന്നു. നൂറുകണക്കിന് ആളുകളാണ് അന്തിമോപചാരമര്‍പ്പിക്കാന്‍ എത്തിയത്.
മധ്യപ്രദേശ് മുഖ്യമന്ത്രി ശിവരാജ് സിങ് ചൗഹാനും ഉന്നത സൈനികോദ്യോഗസ്ഥരുമടക്കം വസതിയിൽ എത്തി. ഗ്രൂപ്പ് ക്യാപ്റ്റൻ വരുൺ സിംഗിന്റെ കുടുംബത്തിന് ഒരു കോടി രൂപ ധനസഹായവും, കുടുംബത്തിൽ ഒരാൾക്ക് ജോലിയും മധ്യപ്രദേശ് സർക്കാർ പ്രഖ്യാപിച്ചു. ഹെലികോപ്റ്റർ ദുരന്തത്തിൽ പതിനാല് പേരിൽ 13 പേരും ഡിസംബർ 8ന് തന്നെ അന്തരിച്ചു.എന്നാൽ ജീവിതത്തോട് പൊരുതി നിന്ന ക്യാപ്റ്റൻ വരുൺ സിംഗ് ഡിസംബർ 15ന് വിടവാങ്ങുകയായിരുന്നു.
ENGLISH SUMMARY:Captain Varun Singh’s funeral today
You may also like this video
