വേങ്ങര മിനി ഊട്ടിയില് ടിപ്പര് ലോറിയും ബൈക്കും കൂട്ടിയിടിച്ച് രണ്ട് മരണം. കൊട്ടപ്പുറം സ്വദേശികളായ മുഫീദ് (17), വിനായക് (17) എന്നിവരാണ് മരിച്ചത്. ഇന്ന് രാവിലെ പത്തുമണിയോടെയാണ് അപകടമുണ്ടായത്. പരിക്കേറ്റ മറ്റൊരു വിദ്യാര്ത്ഥി കൊട്ടപ്പുറം സ്വദേശി അഫ്ലഹിനെ ആശുപത്രിയില് പ്രവേശിപ്പിച്ചു. മുഫീദ് സംഭവ സ്ഥലത്ത് തന്നെ മരിച്ചു. വിനായകനെ ആശുപത്രിയില് എത്തിച്ചെങ്കിലും രക്ഷിക്കാനായില്ല.
മൂന്നുപേരും ഇരുചക്രവാഹനത്തില് മിനി ഊട്ടിയിലേക്ക് വരികയായിരുന്നു. ഇതിനിടെയാണ് അപകടമുണ്ടായത്. കൊട്ടപ്പുറം ഹയര് സെക്കന്ഡറി സ്കൂളിലെ വിദ്യാര്ഥികളാണ് ഇവര്.