തമിഴ്നാട്ടില് നിര്ത്തിയിട്ട ലോറിക്കു പിന്നിലേക്ക് കാര് ഇടിച്ചുകയറി രണ്ടുമലയാളികള് മരിച്ചു. കൃഷ്ണഗിരി ജില്ലയിലെ പോലുപള്ളിയില് വച്ചാണ് അപകടം. സഹയാത്രികരായ മൂന്നുപേര്ക്ക് ഗുരുതരമായി പരിക്കേറ്റു.
പത്തനംതിട്ട അടൂര് മണ്ണടി സ്വദേശികളായ അമന്, സന്ദീപ് എന്നിവരാണു മരിച്ചത്. ബെംഗളുരുവിലെ സ്വകാര്യ കോളേജിലെ വിദ്യാര്ഥികളാണ് മരിച്ച ഇരുവരും. മണ്ണടിയില് നിന്ന് ബെംഗളുരുവിലേക്കു വരുന്നതിനിടെ പുലര്ച്ചെയാണ് അപകടം നടന്നത്. പോലുപള്ളിയില് വച്ചു റോഡരികില് നിര്ത്തിയിട്ടിരുന്ന ടാങ്കര് ലോറിയിലേക്ക് കാറ് ഇടിച്ചു കയറുകയായിരുന്നു. പോസ്റ്റുമോര്ട്ടം പൂര്ത്തിയാക്കി ബന്ധുക്കളെത്തിയതിനുശേഷം മൃതദേഹം വിട്ടുകൊടുക്കും.
English Summary:Car accident in Tamil Nadu; Two Malayalis died