കോഴിക്കോട് വടകര മുക്കാളിയില്‍ കാറിന് തീ പിടിച്ച് ഒരാള്‍ക്ക് ഗുരുതര പരിക്ക്. ഇന്ന് ഉച്ചക്ക് 2.15 ഓടെയാണ് സംഭവം. കാറിന്റ ഉള്‍ഭാഗത്ത് നിന്നാണ് തീ പടര്‍ന്നത്. പരിക്കേറ്റ എരവട്ടൂര്‍ സ്വദേശി ബിജുവിനെ മാഹി ഗവ. ആശുപത്രിയില്‍ പ്രവേശിപ്പിച്ചു. കാറില്‍ നിന്നും പുക ഉയരുന്നത് കണ്ട് നാട്ടുകാര്‍ ചേര്‍ന്നാണ് രക്ഷാപ്രവര്‍ത്തനം നടത്തിയത്. തീപിടിത്തത്തില്‍ കാറിന്റെ ഉള്‍ഭാഗവും ഗ്ലാസും കത്തി നശിച്ചു. തീപിടിത്തത്തെ തുടര്‍ന്ന് ചോമ്പാല പൊലീസ് സ്ഥലത്തെത്തി പരിശോധന നടത്തി.
English Summary; Car caught fire in Vadakara; One seriously injured
You may also like this video
