കൊച്ചിയില്‍ നടന്‍ ജോജു ജോര്‍ജിന്റെ കാര്‍ തകര്‍ത്ത കേസില്‍ പ്രതികളായ കോണ്‍ഗ്രസ് നേതാക്കള്‍ ഇന്ന് കീഴടങ്ങും. കോണ്‍ഗ്രസ് റോഡ് ഉപരോധത്തിനിടെയാണ് സംഭവം. മുൻ കൊച്ചി മേയർ ടോണി ചമ്മണി ഉൾപ്പടെയുള്ള കോൺഗ്രസ് നേതാക്കളാണ് കേസില്‍ കീഴടങ്ങുക. പാര്‍ട്ടി തീരുമാനം അനുസരിച്ചാണ് കീഴടങ്ങള്‍. എട്ട് പ്രതികളുള്ള കേസില്‍ ഇതുവരെ രണ്ട് പേര്‍ മാത്രമാണ് പിടിയിലായത്.
നേരത്തെ സംഭവം ഒത്തുതീർക്കാൻ ജോജുവിൻറെ സുഹൃത്തുക്കൾ വഴി കോൺഗ്രസ് നേതാക്കൾ ശ്രമിച്ചിരുന്നു. ഇത് പരാജയപ്പെട്ടതിനെ തുടര്‍ന്ന് സംഭവത്തിൽ പരസ്യമായി മാപ്പ് പറയണമെന്ന ആവശ്യം ജോജു മുന്നോട്ടുവെച്ചു. അതേസമയം ഒത്തുതീർപ്പിനു തയ്യാറായ ജോജു പിൻവാങ്ങിയതിനു പിന്നിൽ ബാഹ്യസമ്മർദമുണ്ടെന്ന് ഡിസിസി പ്രസിഡൻറ് ഷിയാസ് ആരോപിച്ചു. ഇനി ജോജു മാപ്പ് പറയട്ടെയെന്നും നിയമ നടപടികളുമായി മുന്നോട്ടുപോകുമെന്നും അദ്ദേഹം പറഞ്ഞു.
ENGLISH SUMMARY:Car crash case of actor Joju George; Congress leaders will surrender today
You may also like this video
