മാധ്യമ പവർത്തകയും എഴുത്തുകാരിയുമായ സബ നഖ്വിക്കെതിരെ കേസെടുത്ത ഡൽഹി പൊലീസ് നടപടിക്കതിരെ പ്രസ് ക്ലബ് ഓഫ് ഇന്ത്യയും ഇന്ത്യൻ വിമൻസ് പ്രസ് കോറും പ്രതിഷേധിച്ചു. സബയ്ക്കെതിരെ ചുമത്തിയ കേസ് ചെയ്യാത്ത തെറ്റിനാണെന്നും പ്രസ് ക്ലബ് ചൂണ്ടിക്കാട്ടി.
പൊലീസിന്റെ നടപടി ആശങ്കയുണ്ടാക്കുന്നതാണെന്ന് ഇന്ത്യൻ വിമൻസ് പ്രസ് കോർ പറഞ്ഞു. മതമൗലികവാദത്തിനും വിദ്വേഷ പ്രസംഗത്തിനും അനീതിക്കുമെതിരെ നിലകൊള്ളുന്നയാളാണ് താനെന്നും വിദേശത്തുനിന്നും തിരിച്ചെത്തിയാൽ ഇതിനെതിരെ നിയമ നടപടികൾ സ്വീകരിക്കുമെന്നും സബ പറഞ്ഞു.
സബ നഖ്വി, അസദുദ്ദീൻ ഉവൈസി തുടങ്ങി 32 പേർക്കെതിരെയാണ് കേസ് രജിസ്റ്റർ ചെയ്തിരിക്കുന്നത്. സബയുടെ സമൂഹമാധ്യമങ്ങളിലെ പോസ്റ്റുകൾ മതവികാരം വ്രണപ്പെടുത്തുന്നതിന് കാരണമാകുന്നുവെന്ന് ചൂണ്ടിക്കാട്ടിയാണ് ഡൽഹി പൊലീസ് സ്പെഷ്യൽ സെൽ കേസെടുത്തിരിക്കുന്നത്.
English summary;Case against Saba Naqvi: Press Club of India protests
You may also like this video;
