ലിപ് ലോക്ക് ചലഞ്ച് സംഘടിപ്പിച്ചതിന് എട്ട് വിദ്യാർത്ഥികൾക്കെതിരെ കർണാടക പൊലീസ് പോക്‌സോ നിയമപ്രകാരം കേസെടുത്തു. ആറുമാസം മുമ്പ് കർണാടകയിലെ മംഗളുരുവിലെ ഒരു സ്വകാര്യ ഫ്‌ളാറ്റിലാണ് സംഭവം. സ്കൂൾ വിദ്യാർത്ഥിനിയെ സുഹൃത്തുക്കൾക്ക് മുന്നിൽ വച്ച് ആൺകുട്ടി ചുംബിക്കുന്ന വീഡിയോ വൈറലായതിനെ തുടർന്നാണ് കേസെടുത്തത്. രണ്ട് മാസമായി വിദ്യാര്‍ത്ഥികള്‍ ഫ്ലാറ്റ് വാടകയ്ക്ക് എടുത്തിരുന്നതായി പൊലീസ് പറഞ്ഞു.
അതേസമയം കര്‍ണാടകയില്‍ വിദ്യാർത്ഥികളായ ആൺകുട്ടിയും പെൺകുട്ടിയും ചുംബിക്കുന്നതിന്റെ വിഡിയോ വൈറലായതിനു പിന്നാലെ നാല് പേരെ പൊലീസ് കസ്റ്റഡിയിലെടുത്തു. സ്വകാര്യ ഫ്ലാറ്റിൽ വച്ചാണ് സ്കൂൾ യൂണിഫോം ധരിച്ച വിദ്യാർത്ഥികൾ ചുംബിക്കുന്നത്.
സുഹൃത്തുക്കൾ അവരെ പ്രോത്സാഹിപ്പിക്കുന്നതും വിഡിയോയിൽ കാണാം. വിദ്യാർത്ഥികൾ ചേർന്ന് സംഘടിപ്പിച്ച ചുംബന മത്സരത്തിൽ പങ്കെടുക്കാനെത്തിയതാണ് ഇരുവരുമെന്ന് പൊലീസ് പറഞ്ഞു. ദൃശ്യങ്ങൾ വിഡിയോയിൽ ചിത്രീകരിച്ച വിദ്യാർത്ഥിയെയാണ് ചോദ്യം ചെയ്യാനായി പൊലീസ് കസ്റ്റഡിയിലെടുത്തത്.
ആറു മാസം മുമ്പ് സ്വകാര്യ ഫ്ലാറ്റിൽ നടന്ന സംഭവത്തിന്റെ ദൃശ്യങ്ങൾ അടുത്തിടെയാണ് പുറത്തറിഞ്ഞത്. ഒരാഴ്ച മുമ്പ് വിദ്യാർത്ഥികളിലൊരാൾ വിഡിയോ വാട്സ് ആപ്പിൽ പങ്കുവയ്ക്കുകയും പിന്നീടിത് വൈറലാവുകയുമായിരുന്നു. തുടർന്ന് സ്കൂൾ അധികൃതർ വിദ്യാർത്ഥികളെ പുറത്താക്കി. സംഭവത്തിൽ ആരും പരാതി നൽകിയിട്ടില്ല.
English Summary: Case filed against eight students in Karnataka Liplock Challenge
You may like this video also
