നടിയെ ആക്രമിച്ച കേസില്‍ അതിജീവിത ഹൈക്കോടതിയില്‍ സമര്‍പ്പിച്ച ഹര്‍ജി പരിഗണിക്കുന്നതില്‍ നിന്ന് ജഡ്ജി പിന്മാറി. ജസ്റ്റിസ് കൗസർ എടപ്പഗത്താണ് ഹര്‍ജി പരിഗണിക്കുന്നതില്‍ നിന്ന് പിന്മാറിയത്.
കേസ് നാളെ മറ്റൊരു ബെഞ്ച് പരിഗണിക്കും. തുടരന്വേഷണം അട്ടിമറിക്കാൻ ശ്രമം നടക്കുന്നുണ്ടെന്നും നീതി നടപ്പാക്കാൻ ഹൈക്കോടതി ഇടപെടണമെന്നും ആവശ്യപ്പെട്ടാണ് ഹർജി സമർപ്പിച്ചത്. അന്വേഷണ മേൽനോട്ടച്ചുമതലയുണ്ടായിരുന്ന ഉദ്യോഗസ്ഥനെ മാറ്റിയെന്നും, ഇത് കേസിനെ ബാധിച്ചെന്നും പ്രതികൾക്ക്
ഗുണകരമായന്നും ഹർജിയിൽ പറയുന്നു. കോടതിയിലുള്ള മെമ്മറി കാർഡിന്റെ ഹാഷ് വാല്യു മാറിയതായി ഫോറൻസിക്ക് ഫലം വന്നിട്ടും വിചാരണക്കോടതി ജഡ്ജി ഇതെക്കുറിച്ച് അന്വേഷിച്ചില്ലെന്നും ഹർജിയിൽ ചൂണ്ടികാട്ടിയിരുന്നു.
English summary;Case of assault on actress; The judge withdrew from considering the survival petition
You may also like this video;
