അഭിഷേക് ബാനർജിയെ സിബിഐ ചോദ്യം ചെയ്തു

പശ്ചിമ ബംഗാളിലെ പ്രൈമറി അധ്യാപക നിയമനത്തിലെ ക്രമക്കേടുമായി ബന്ധപ്പെട്ട കേസിൽ തൃണമൂൽ കോൺഗ്രസ് എംപി അഭിഷേക് ബാനർജിയെ സിബിഐ ചോദ്യം ചെയ്തു.
മുഖ്യമന്ത്രി മമത ബാനർജിയുടെ അനന്തരവൻ കൂടിയായ അഭിഷേകിനെ ചോദ്യം ചെയ്യാൻ കഴിഞ്ഞ ദിവസമാണ് ഹൈക്കോടതി അനുമതി നൽകിയത്. രാവിലെ 10.58ന് അഭിഷേക് സിബിഐയുടെ കൊൽക്കത്തയിലെ ഓഫിസിൽ ഹാജരായി.
2019ൽ റിക്രൂട്ട്‌മെന്റ് പ്രക്രിയയിൽ യോഗ്യത നേടിയ ഉദ്യോഗാർത്ഥികളെ ഒഴിവാക്കുകയും പണം വാങ്ങി മറ്റ് ഉദ്യോഗാർത്ഥികൾക്ക് ജോലി നൽകിയെന്നുമാണ് കേസ്. മുൻ മന്ത്രി പാർത്ഥ ചാറ്റർജി ഉൾപ്പെടെ സംസ്ഥാന വിദ്യാഭ്യാസ വകുപ്പിലെ നിരവധി ഉദ്യോഗസ്ഥര്‍ കേസിൽ അറസ്റ്റിലായിരുന്നു.

eng­lish sum­ma­ry; CBI ques­tioned Abhishek Banerjee
you may also like this video;