റയിൽവേ പദ്ധതി അഴിമതി കേസില്‍ ബീഹാർ മുൻ മുഖ്യമന്ത്രിയും ആര്‍ജെഡി പാർട്ടി അധ്യക്ഷനുമായ ലാലുപ്രസാദ് യാദവിനെതിരെ സിബിഐ അന്വേഷണം. ലാലു പ്രസാദിനും കുടുംബാംഗങ്ങൾക്കും എതിരെയാണ് പുനരന്വേഷണം ആരംഭിച്ചത്. ഒന്നാം യുപിഎ സർക്കാരിന്റെ കാലത്ത് റയിൽവേ മന്ത്രിയായിരുന്ന ലാലുപ്രസാദ് വൻ അഴിമതി നടത്തി എന്നാണ് ആരോപണം. 2018 ൽ സിബിഐ പ്രാഥമിക അന്വേഷണം നടത്തിയെങ്കിലും 2021ൽ ഈ അന്വേഷണം അവസാനിപ്പിച്ചിരുന്നു.
യാദവിനെ കൂടാതെ അദ്ദേഹത്തിന്റെ മകനും ബീഹാർ ഉപമുഖ്യമന്ത്രിയുമായ തേജസ്വി യാദവ്, ചന്ദ യാദവ്, രാഗിണി യാദവ് എന്നിവരും കേസിൽ പ്രതികളാണ്. ബിഹാറിൽ നിതീഷ് കുമാർ ബി.ജെ.പിയുമായി പിരിഞ്ഞ് രാഷ്ട്രീയ ജനതാദളുമായി (ആർ.ജെ.ഡി) ചേർന്ന് സർക്കാരുണ്ടാക്കാൻ പദ്ധതിയിട്ടിരുന്നു. ഈ സാഹചര്യത്തിൽ ആണ് മാസങ്ങൾക്ക് ശേഷം കേസ് വീണ്ടും ആരംഭിക്കാനുള്ള നീക്കം സിബിഐ തുടങ്ങിയിരിക്കുന്നത്.
English Summary: CBI Reopens Corruption Case Against Lalu Yadav
You may also like this video
