വയനാടിന് കേന്ദ്രസഹായം: മുഖ്യമന്ത്രി നാളെ പ്രധാനമന്ത്രിയെ കാണും

ഉരുൾപൊട്ടലുണ്ടായ വയനാട്ടിൽ കേന്ദ്ര സഹായം ഉറപ്പാക്കാൻ മുഖ്യമന്ത്രി പിണറായി വിജയൻ നാളെ പ്രധാനമന്ത്രി നരേന്ദ്രമോഡിയെ സന്ദർശിച്ച് നിവേദനം നൽകും . ഉരുൾ പൊട്ടലുണ്ടായ വയനാട്ടിലെ വിവിധ പ്രദേശങ്ങൾ സന്ദർശിച്ച പ്രധാനമന്ത്രി കേന്ദ്ര സഹായം ഉറപ്പ് നൽകിയിരുന്നു. 200 കോടി രൂപയുടെ സഹായമായിരിക്കും കേരളം ആവശ്യപ്പെടുക. കൽപറ്റയിൽ ചേർന്ന അവലോകന യോഗത്തിൽ പങ്കെടുത്ത പ്രധാനമന്ത്രി നരേന്ദ്രമോഡി കേന്ദ്ര സഹായം നൽകുവാനായി വിശദമായ നിവേദനം നല്കാൻ കേരളത്തോട് ആവശ്യപ്പെട്ടിരുന്നു . ജൂലൈ 30 നുണ്ടായ ഉരുൾപൊട്ടലിൽ 416 പേരാണ് മരിച്ചത് . കേരളത്തിലുണ്ടായ ഏറ്റവും വലിയ ദുരന്തമാണിത് . 120 ഓളം പേരെ ഇനിയും കണ്ടെത്താനുണ്ട് .