ഇരുചക്ര വാഹനങ്ങളില് യാത്ര ചെയ്യുന്ന എല്ലാവര്ക്കും ഹെല്മെറ്റ് നിര്ബന്ധമാക്കി കേന്ദ്ര ഗതാഗത മന്ത്രാലയം. ഒമ്പത് മാസം മുതല് നാല് വയസുവരെ പ്രായമുള്ള കുട്ടികള്ക്കും ഹെല്മെറ്റ് നിര്ബന്ധമാക്കി.
കുട്ടികളുമായി സഞ്ചരിക്കുന്ന ഇരുചക്ര വാഹനങ്ങളുടെ വേഗത മണിക്കൂറില് 40 കിലോമീറ്ററില് കൂടരുതെന്നും പുതിയ നിര്ദേശത്തില് പറയുന്നു. ഗതാഗതനിയമങ്ങളില് മാറ്റം വരുത്തി കരട് വിജ്ഞാപനം പുറത്തിറക്കി.
നേരത്തെ നാല് വയസില് താഴെ പ്രായമുള്ള കൂട്ടുകളെ മുതിര്ന്ന യാത്രക്കാരായി പരിഗണിച്ചിരുന്നില്ല. കുട്ടികള് ബിഐഎസ് മാനദണ്ഡമനുസരിച്ചുള്ള ഹെല്മറ്റ് ധരിക്കണണമെന്ന് പുതിയ വിജ്ഞാപനത്തില് പറയുന്നു. കുട്ടികളെ വണ്ടിയോടിക്കുന്ന ആളുമായി സുരക്ഷിതമായി ബന്ധിപ്പിക്കുന്നതിന് നിശ്ചിത മാനദണ്ഡത്തിലുള്ള ബെല്റ്റ് ഉപയോഗിക്കണമെന്നും കരടില് നിര്ദേശമുണ്ട്.
English Summary: Central directive to make helmets mandatory for young children
You may like this video also