കൗൺസിൽ ഫോർ ഫുഡ് റിസർച്ച് ആൻഡ് ഡെവലപ്പ്മെന്റിന്റെ (സിഎഫ്ആർഡി) സാമ്പിൾ കളക്ഷൻ സെന്ററുകൾ ആരംഭിക്കുമെന്ന് ഭക്ഷ്യമന്ത്രി ജിആ‍ർ അനിൽ. എല്ലാ ജില്ലകളിലും സാമ്പിൾ കളക്ഷൻ സെന്ററുകൾ ആരംഭിക്കുന്നതിന് മുൻപ് പരീക്ഷണ അടിസ്ഥാനത്തിൽ സപ്ലൈകോ ഹെഡ് ഓഫീസിൽ ഒരു കളക്ഷൻ സെന്റർ ആരംഭിച്ചു. എന്നാൽ കോവിഡ് മൂലം സെന്ററിന്റെ തുട‍ർ പ്രവർത്തനം മുടങ്ങി. പദ്ധതി നടപ്പാക്കാനുള്ള പ്രവർത്തനം ആരംഭിച്ചിട്ടുണ്ട്. ഈ സർക്കാർ അധികാരത്തിൽ വന്നശേഷം പുതുതായി ഒരു പീപ്പിൾ ബസാറും ഒരു മാവേലി മെഡിക്കൽ സ്റ്റോറും ആരംഭിച്ചു. കൂടാതെ 14 മാവേലി സ്റ്റോറുകൾ സൗകര്യപ്രദമായ സഥലത്തേക്ക് മാറ്റി സൂപ്പർ മാവേലി സ്റ്റോറുകളായും രണ്ടെണ്ണം സൂപ്പർ മാ‍ർക്കറ്റുകളായും ഉയർത്തിയെന്നും മന്ത്രി പറഞ്ഞു. വി ശശി, സിസി മുകുന്ദൻ, പി ബാലചന്ദ്രൻ, വാഴൂർ സോമൻ എന്നിവരുടെ ചോദ്യത്തിന് മറുപടി പറയുകയായിരുന്നു അദ്ദേഹം.
ENGLISH SUMMARY: CFRD Sample Collection Centers to be started: G R Anil
YOU MAY ALSO LIKE THIS VIDEO
