സംസ്ഥാനത്ത് വരും ദിവസങ്ങളിലും മഴ ശക്തമാകുമെന്ന് കേന്ദ്രകാലാവസ്ഥാ വകുപ്പ്. മഴ ശക്തമാകാൻ സാധ്യതയുള്ള പത്തനംതിട്ട, കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിൽ യെല്ലോ അലർട്ട് പ്രഖ്യാപിച്ചു.
തെക്ക് കിഴക്കൻ അറബികടലിന് മുകളിൽ അടുത്ത 24 മണിക്കൂറിനുള്ളിൽ രൂപപ്പെടുന്ന ചക്രവാതചുഴി ചൊവ്വാഴ്ചയോടെ ന്യൂനമർദ്ദമായി ശക്തി പ്രാപിച്ച് പടിഞ്ഞാറ് ദിശയിയിലേക്ക് നീങ്ങാൻ സാധ്യതയുണ്ടെന്നും ഇത് കണക്കിലെടുത്ത് കേരളത്തിൽ കാര്യമായ മഴ പ്രതീക്ഷിക്കാമെന്നുമാണ് കാലാവസ്ഥാ വിദ്ഗധരുടെ വിലയിരുത്തല്‍.
അറബിക്കടലിൽ ശക്തമായ തിരമാലകൾക്ക് സാധ്യതയുണ്ടെങ്കിലും ഇന്ന് കേരള — കർണാടക തീരങ്ങളിൽ മത്സ്യബന്ധനത്തിന് തടസമില്ലെന്നും കേന്ദ്ര കാലാവസ്ഥ വകുപ്പ് അറിയിച്ചു.
English Summary: chance to heavy rain in kerala
You may also like this video
