ചെന്നൈ-ഹൈദരാബാദ് ചാർമിനാർ എക്സ്പ്രസിന്റെ മൂന്ന് കോച്ചുകൾ പാളം തെറ്റി. നംപശ്ശി റെയിൽവേ സ്റ്റേഷനില്‍ വച്ച് രാവിലെ 9.15ഓടെയാണ് അപകടം. അഞ്ച് പേർക്ക് പരിക്കേറ്റതായാണ് വിവരം. ചെന്നൈയിലേക്കുള്ള യാത്രാമധ്യേ ട്രെയിൻ പ്ലാറ്റ്‌ഫോമിൽ എത്തിയപ്പോഴാണ് അപകടമുണ്ടായത്.
നിർത്തുന്നതിനിടയിൽ, ട്രെയിൻ ട്രാക്കിൽ നിന്ന് തെന്നിമാറുകയായിരുന്നു. തുടർന്ന് പ്ലാറ്റ്‌ഫോമിന്റെ പാർശ്വഭിത്തിയിൽ ഇടിച്ചു. റെയിൽവെ ഉദ്യോഗസ്ഥർ സംഭവസ്ഥലത്ത് എത്തി യാത്രക്കാരെ ഒഴിപ്പിച്ചു. ആളപായമൊന്നും റിപ്പോർട്ട് ചെയ്തിട്ടില്ല. സംഭവത്തിന്റെ കാരണം സംബന്ധിച്ച് അടിയന്തര അന്വേഷണം നടക്കുകയാണെന്ന് റെയിൽവേ അറിയിച്ചു.
English Summary: Charminar Express derails at Nampally Railway station, 5 injured
You may also like this video
