വഞ്ചനാക്കുറ്റം; നിവിൻ പോളിക്കും സംവിധായകൻ എബ്രിഡ് ഷൈനിനും എതിരായ കേസ് ഹൈക്കോടതി സ്റ്റേ ചെയ്തു

നടൻ നിവിൻ പോളിക്കും സംവിധായകൻ എബ്രിഡ് ഷൈനിനും എതിരെ വഞ്ചനാക്കേസ് ഹൈക്കോടതി സ്റ്റേ ചെയ്തു. നിവിൻ പോളി നായകനായ ‘മഹാവീര്യർ’ എന്ന ചിത്രത്തിന്റെ സഹനിർമാതാവായ പി എസ് ഷംനാസിന്റെ പരാതിയിലാണ് പൊലീസ് ജാമ്യമില്ലാ വകുപ്പുകൾ പ്രകാരം കേസെടുത്തത്. ‘ആക്ഷൻ ഹീറോ ബിജു 2’ എന്ന സിനിമയുടെ നിർമാണത്തിൽ പങ്കാളിത്തം വാഗ്ദാനം ചെയ്ത് ഷംനാസിൽ നിന്ന് പണം കൈപ്പറ്റിയെന്നും, പിന്നീട് വിതരണാവകാശം മറ്റൊരാൾക്ക് നൽകിയെന്നുമാണ് പരാതി. വൈക്കം ജെ എഫ് സി എം 1 കോടതിയുടെ നിർദേശപ്രകാരമായിരുന്നു പൊലീസ് കേസെടുത്തത്. കേസിൽ നിവിൻ പോളി ഒന്നാം പ്രതിയും എബ്രിഡ് ഷൈൻ രണ്ടാം പ്രതിയുമാണ്.