എൽഎൽബി പരീക്ഷയിലെ കോപ്പിയടി; എസ്ഐയ്ക്ക് സസ്പെൻഷൻ

എൽഎൽബി പരീക്ഷയിൽ കോപ്പിയടിച്ച സർക്കിൾ ഇൻസ്പെക്ടർക്ക് സസ്പെൻഷൻ. തിരുവനന്തപുരം പൊലീസ് ട്രെയിനിംഗ് കോളജിലെ സിഐ ആർ എസ് ആദർശിനെതിരെയാണ് നടപടി. കോപ്പിയടി സ്ഥിരീകരിച്ച് പരീക്ഷ സ്ക്വാഡ് ഡിജിപിക്ക് റിപ്പോർട്ട് നൽകിയിരുന്നു. ഇത് അടിസ്ഥാനമാക്കിയാണ് നടപടി.

ലോ അക്കാഡമി ലോ കോളജിൽ പബ്ലിക് ഇന്റർനാഷണൽ വിഷയത്തിന്റെ പരീക്ഷയിലാണ് കോപ്പിയടി നടന്നത്. ഇത് സർവകലാശാല സ്ക്വാഡ് പിടികൂടുകയും ചെയ്തിരുന്നു. സംഭവം വിവാദമായതോടെ സർവകലാശാല സ്ക്വാഡിനോടും പൊലീസ് ട്രെയിംഗ് കോളജ് പ്രിൻസിപ്പലിനോടും ഡിജിപി അനിൽകാന്ത് റിപ്പോർട്ട് തേടി.

ഇരുവിഭാഗവും കോപ്പി അടി സ്ഥിരീകരിച്ച് ഡിജിപിക്ക് റിപ്പോർട്ട് നൽകിയിരുന്നു. ഈ റിപ്പോർട്ട് പരിഗണിച്ച ശേഷമാണ് സിഐ ആദർശിനെതിരെ ഇപ്പോൾ നടപടി സ്വീകരിച്ചിരിക്കുന്നത്.

Eng­lish summary;Cheating in LLB exam; Sus­pen­sion for SI

You may also like this video;