ഇംഗ്ലീഷ് പ്രീമിയര് ലീഗില് മാഞ്ചസ്റ്റര് സിറ്റിയെ മറികടന്ന് ചെല്സി നാലാം സ്ഥാനത്ത്. വെസ്റ്റ് ഹാമിനെതിരായ മത്സരത്തില് ഒന്നിനെതിരെ രണ്ട് ഗോളുകള്ക്കാണ് ചെല്സിയുടെ വിജയം. സെല്ഫ് ഗോളാണ് വെസ്റ്റ് ഹാമിന് തിരിച്ചടിയായത്.
മത്സരത്തില് ആദ്യം മുന്നിട്ടുനിന്നത് വെസ്റ്റ് ഹാമാണ്. 42-ാം മിനിറ്റില് ജാറോഡ് ബോവെനാണ് ഗോള് സ്കോര് ചെയ്തത്. എന്നാല് രണ്ടാം പകുതിയുടെ 64-ാം മിനിറ്റില് പെഡ്രോ നെറ്റോ നേടിയ ഗോളില് ചെല്സി സമനില കണ്ടെത്തി. എന്നാല് വെസ്റ്റ് ഹാം താരം ആരോണ് വാന് ബിസാക്കയുടെ സെല്ഫ് ഗോളില് ചെല്സി വിജയം സ്വന്തമാക്കി. 74-ാം മിനിറ്റിലായിരുന്നു ചെല്സിക്ക് രക്ഷയായ ഗോള് പിറന്നത്.
24 മത്സരങ്ങളില് നിന്ന് 43 പോയിന്റോടെയാണ് ചെല്സി നാലാം സ്ഥാനത്തേക്കുയര്ന്നത്. അഞ്ചാമതുള്ള സിറ്റിക്ക് 41 പോയിന്റാണുള്ളത്. 56 പോയിന്റോടെ ലിവര്പൂളും 50 പോയിന്റോടെ ആഴ്സണലുമാണ് ഒന്നും രണ്ടും സ്ഥാനത്തുള്ളവര്.