ഉത്തര്‍പ്രദേശില്‍ സൗജന്യമായി കോഴിയിറച്ചി നല്‍കാത്തതിന്റെ പേരില്‍ ദളിത് യുവാവിന് ക്രൂര മര്‍ദ്ദനം. രണ്ടുപേര്‍ ചേര്‍ന്ന് മദ്യലഹരിയില്‍ ചെരിപ്പ് ഉപയോഗിച്ചായിരുന്നു മര്‍ദ്ദനം. ഇതിന്റെ ദൃശ്യങ്ങള്‍ സമൂഹമാധ്യമങ്ങളില്‍ വ്യാപകമായാണ് പ്രചരിക്കുന്നത്.
ललितपुर में फ्री में मुर्गा नही देने पर जमकर जूतों चप्पल से पीटा, मुर्गा बेचकर परिवार का पालन पोषण करता है पीड़ित
#Lalitpur pic.twitter.com/ItNnTWSsLm— Lokesh Rai (@lokeshRlive) August 12, 2023
ലളിത്പൂരില്‍ നടുറോഡിലാണ് സംഭവം. ഗ്രാമങ്ങള്‍ തോറും ബൈക്കിലെത്തി കോഴിയിറച്ചി വില്‍ക്കുന്ന സുജന്‍ അഹിര്‍വാര്‍ ആണ് മര്‍ദ്ദനത്തിന് ഇരയായത്. യുവാക്കളുടെ സംഘം ജോലിക്കിടെ ടഞ്ഞുനിര്‍ത്തി സൗജന്യമായി കോഴിയിറച്ചി നല്‍കാന്‍ ആവശ്യപ്പെടുകയായിരുന്നു. എന്നാല്‍ പണം ആവശ്യപ്പെട്ടതോടെ സംഘം യുവാവിനെ ക്രൂരമായി മര്‍ദ്ദിക്കുകയായിരുന്നു.
ചെരിപ്പ് ഉപയോഗിച്ചാണ് സംഘം മര്‍ദ്ദിച്ചത്. വഴിയാത്രക്കാരാണ് വീഡിയോ പകര്‍ത്തി സാമൂഹിക മാധ്യമങ്ങളില്‍ പങ്കുവെച്ചത്. സംഭവത്തില്‍ പ്രതികള്‍ക്കെതിരെ പൊലീസ് കേസെടുത്ത് അന്വേഷണം ആരംഭിച്ചു.
English Summary;Chicken was not given for free; Dalit youth brutally beaten up in the middle of the road
You may also like this video
