ചോറ്റാനിക്കരയില് പെണ്കുട്ടി ജീവനൊടുക്കിയ സംഭവത്തില് ഇന്സ്റ്റഗ്രാം അക്കൗണ്ട് വിവരങ്ങള് പൊലീസിന് ലഭിച്ചു. ‘ബ്ലാക്ക് വെനം’ എന്ന പേരിലുള്ള അക്കൗണ്ടാണ് പെണ്കുട്ടി ഫോളോ ചെയ്തിരുന്നത്. ഈ അക്കൗണ്ട് വിവരങ്ങളാണ് ഇപ്പോള് പൊലീസ് കണ്ടെത്തിയിരിക്കുന്നത്. അക്കൗണ്ടില് കൊറിയന് ചിത്രങ്ങള് ഉള്പ്പെടെ കണ്ടെത്തിയിട്ടുണ്ട്. നേരത്തെ മുപ്പതിലേറെ പേര് പിന്തുടര്ന്ന പേജാണ് ഇതെന്നും പെണ്കുട്ടിയുടെ മരണത്തിന് പിന്നാലെ ഫോളോവേര്സ് എല്ലാം അൺ ഫോളോ ചെയ്തുവെന്നും പൊലീസ് പറയുന്നു. അക്കൗണ്ടില് പലതും ദുരൂഹമെന്നാണ് പൊലീസ് പറയുന്നത്. ഇതിനെ കുറിച്ച് വിശദമായ സൈബര് പരിശോധന അനിവാര്യമാണ്. സ്കൂളില് ഒരു വിദ്യാര്ത്ഥി ഫോണ് കൊണ്ടുവരുമെന്നും മറ്റ് വിദ്യാര്ത്ഥികള് ഒരേ ഫോണില് ഒന്നിലേറെ അക്കൗണ്ടുകള് തുറന്നതിന് തെളിവുണ്ടെന്നും പൊലീസ് പറയുന്നു. ഫൊറന്സിക് പരിശോധനയ്ക്ക് അയച്ച ഒരു ഫോണില് തുറന്നത് എട്ട് ഇന്സ്റ്റഗ്രാം അക്കൗണ്ടുകളാണ്. ഇതിന്റെ ലോഗ് ഇന് വിവരങ്ങളും പൊലീസിന് ലഭിച്ചിട്ടുണ്ട്.
ചോറ്റാനിക്കരയിലെ പെണ്കുട്ടിയുടെ ആത്മഹത്യ; ബ്ലാക്ക് വെനം എന്ന അക്കൗണ്ട് ഫോളോ ചെയ്തതായി വിവരം
