സംസ്ഥാന സിവില്‍ സര്‍വീസസ് കായികമേള ഈ മാസം 21, 22, 23 തീയതികളില്‍ തിരുവനന്തപുരത്ത് നടക്കും. 14 ജില്ലാ ടീമുകളും ഗവണ്‍മെന്റ് സെക്രട്ടേറിയറ്റ് ടീമുമാണ് സംസ്ഥാന മീറ്റില്‍ മത്സരിക്കുന്നത്. ദേശീയ സിവില്‍ സര്‍വീസ് മീറ്റിനുള്ള ടീമിനെ തെരഞ്ഞെടുക്കുന്നതും സംസ്ഥാന മീറ്റിലെ പ്രകടനം കണക്കിലെടുത്താണ്.
സിവില്‍ സര്‍വീസ് കായികമേളയുടെ മാര്‍ഗനിര്‍ദ്ദേശങ്ങള്‍ സമഗ്രമായി പരിഷ്‌ക്കരിച്ചു. 30 വര്‍ഷങ്ങള്‍ക്കു ശേഷമാണ് ഇത്തരമൊരു നടപടി. ഇതനുസരിച്ച് സംസ്ഥാന സ്‌പോര്‍ട്‌സ് കൗണ്‍സിലിനാണ് സംസ്ഥാന മേളയുടെ നടത്തിപ്പ് ചുമതല. മുന്‍കാലങ്ങളില്‍ നിന്ന് വ്യത്യസ്തമായി അടുത്ത വര്‍ഷം മുതല്‍ മറ്റു ജില്ലകളും മേളയ്ക്ക് വേദിയാകും. അതത് ജില്ലകളില്‍ നടക്കുന്ന മത്സരങ്ങളില്‍ അതത് ജില്ലാ സ്‌പോര്‍ട്‌സ് കൗണ്‍സില്‍ സംഘാടനത്തില്‍ പങ്കാളികളാകും.
ENGLISH SUMMARY:Civil Service Sports Festival starts on the 21st
You may also like this video
