തെക്ക് കിഴക്കന്‍ ഡല്‍ഹിയിലെ ഓഖ്‌ല മേഖലയില്‍ വിദ്യാര്‍ത്ഥികള്‍ ഗ്രൂപ്പ് തിരിഞ്ഞു നടത്തിയ വഴക്കിനിടെ പന്ത്രണ്ടാം ക്ലാസുകാരന്‍ കുത്തേറ്റ് മരിച്ചു.
ഓഖ്‌ലയിലെ ജെജെ ക്യാമ്പിലെ താമസക്കാരനായ 18 കാരനാണ് മരിച്ചത്. കല്‍ക്കാജി സ്കൂളിലെ വിദ്യാര്‍ത്ഥിയായിരുന്നു. ഹന്‍സ്‌രാജ് സേത്തി പാര്‍ക്കിന് സമീപമാണ് വിദ്യാര്‍ഥികള്‍ തമ്മില്‍ വഴക്കുണ്ടായത്. ഇതിനിടെ കുട്ടിയുടെ നെഞ്ചില്‍ കുത്തേല്‍ക്കുകയായിരുന്നു. കുട്ടിയെ പൂര്‍ണിമ സേതി ആശുപത്രിയില്‍ പ്രവേശിപ്പിച്ചെങ്കിലും പിന്നീട് മരണത്തിന് കീഴടങ്ങിയതായി പൊലീസ് അറിയിച്ചു.
പ്രദേശത്തെ സിസിടിവി ദൃശ്യങ്ങള്‍ പരിശോധിച്ചിട്ടുണ്ടെന്നും പ്രതികളെ ഉടന്‍ കണ്ടെത്തുമെന്നും പൊലീസ് പറഞ്ഞു.
English Summary: Class XII student stabbed to death
You may also like this video
