മുച്ചക്ര വാഹനം ലഭിക്കുന്നതിന് സഹായിക്കണമെന്ന അപേക്ഷയുമായാണ് ഭിന്നശേഷിക്കാരനായ അഞ്ചുതെങ്ങ് കൊച്ചുതെക്കഴികം സ്വദേശി റഹീം മുഖ്യമന്ത്രി പിണറായി വിജയനെ സന്ദർശിച്ചത്. മുച്ചക്ര വാഹനം അനുവദിക്കുന്നതിനുള്ള അപേക്ഷ റഹീം നൽകി. തിരുവനന്തപുരത്ത് എത്തിയെങ്കിലും മുഖ്യമന്ത്രിയെ കാണാന്‍ റഹീമിന് ഓഫീസിലേക്ക് പോകേണ്ടിവന്നില്ല. മുഖ്യമന്ത്രി തന്നെ നേരിട്ടെത്തി, വീൽ ചെയറിലായിരുന്ന റഹീമിനെ ഓഫീസിലെ ഇടനാഴിയിൽവച്ച് റഹീമിനെ കണ്ടു. ആവശ്യം കേട്ടതിനുപിന്നാലെ കുശലാന്വേഷണവും. പിന്നാലെ അപേക്ഷയിൽ അടിയന്തിര നടപടിയെടുക്കാൻ മുഖ്യമന്ത്രി ബന്ധപ്പെട്ട ഉദ്യോഗസ്ഥര്‍ക്ക് നിർദേശവും നൽകി. അടിയന്തര പരിഹാരത്തിന് മുഖ്യമന്ത്രി നിര്‍ദേശം നല്‍കിയതോടെ സന്തോഷത്തോടെ റഹീം വീട്ടിലേക്ക് മടങ്ങി.
You may also like this video
